وينك يا زمن.....
بسم الله الرحمن الرحيم
السلام عليكم ورحمة الله وبركاته
هل زمنا صار زمن خرابة وضياع؟؟؟؟؟
سؤال صعب... سؤال يراودني؟ >>>>ههههههههههههههههه
المهم الزبدة
أمس كنت انبش فايميلي لقيت موضوع عجبني بغيت انقله هني بس شكلي حذفته المهم
الموضوع كان طرررررررررر يعني واااااااااااو يعني روعة
الموضوع كان يحكي عن الزمن كيف انه تغير
كيف انه زمن اول كان متحضر وملتزم
وزمنا اللحين متخلف يركض ورا المظاهر الخادعة
بعيطكم الملخص الطويل ههههههههه
بسم الله الرحمن الرحيم
نبدا
فزمن اول كانت الجدران تتزين بشخابيط اليهال
وكانوا يستخدمون الطباشير الصبغ والأقلام والفحم
وكنا نشخبط ونحنا مستانسين باللوحة اللي بتطلع
صح بعدين كنا ننضرب
بس كنا نستانس يوم نشخبط
لكن فزمنا هذا بشو تتوقعون الجدران تتزين؟؟؟؟؟
يلا يا شطار حزر وفزر
بالدم صح والا انا غلط؟؟؟
والمشاعر تكون حزن بحزن...
واهم النقاشات اللحين
عن الرذائل يعني
الدكاترة والعلماء يحللون
اقول عن شو؟
الدعارة، العقوق، زنا المحارم وعن قوم لوط
اوبس سوري اقصد
البويات والجنس الثالث؟؟؟؟
تعرفون شو السبب ورا هالمشاكل
هذيلا اصلا حالة نفسية
اي حالة نفسية يا عمي
حتى الحالة النفسية تغير مفهومها وصارت تستحي من معناها
زمن اول كنا نستانس بالرسم ونحب نجوف التلفزيون
كان التلفزيون بالنسبة لنا الانترنت والكمبيوتر والبليستيشن
كان التلفزيون بالنسبة لنا نفس المدرسة
كنا نتعلم دايما منه
اول كان الافتتاح فالتيفي
قران كريم وبعدين الحديث الشريف وراه الرسوم المتحركة على قولتنا
وبعدها المسلسلات >>>>> صج المحترمة
عنجد زمن اول كان في رقابة مب اللحين
المسلسلات متجاوزين الخطوط الحمراء ما كان عندنا مشاهد وسخة
وبعد المسلسلات
كان وقت الأذان
اما اللحين كله اعلانات
واعلانات وسخة
المسلسلات التركية
فحدث ولا حرج مع احترامي لأخوانا التركيين
ما في مسلسل الا وتكون البطلة صارت حامل
والا المصيبة تكون بذرة حرام
ونحن نتعاطف مع البطلة
ونعيش الجو معاها
ونناقش المسلسل
اللي يقول كانها قضية الوطن العربي
بس ما لاحظتوا انا كانا نسينا لو
كانت في وحدة صج حامل بنفس الحالة
كان محد خلاها والا طلع عليها رمسة
لأنها راح تكون زانية
فهل هو غير يعني تعاطفنا مع اللي فالتيفي وتضايقنا من اللي فالصج
يعني نحن نعلم عيالنا على عاداتنا وتقاليدنا و
يوم نقعد حذال التلفزيون ننسف اللي علمنا لعيالنا
صج تناقض...
امممممممم صح وعن العبايات صارت العبايات ضيجة وملونة حتى الواحد يكون علباله انه فستان...
وصح شو سالفة الشيل تغير لبسها يعني اذكر انها للستر
اذكر فالبداية كانوا البنات يطلعون شعرهم من جدام
شوي اطورا وبدوا يطلعوا اذونهم عشان يبين الشغاب
وبعدها اللحين النحر طالع
شالسالفة
كل ما غطوا شي طلعوا شي ثاني؟؟؟
انزين زمن اول الولد يالي عمره 15 كان يشل السيف ويفتح البلدان ويتحمل الصعوبات
اما اللحين الولد يكون مراهق
لازم ندير بالنا عليه ونراعي مشاعره
اذا تعاطى او غلط بشي فهو مراهق
والبنت يالي عمرها 15 اول كانت فهالعمر تكون ام وعندها عيال ومسؤوليات تشيب الراس
واللحين بنت 15 مراهقة ما تقدر تتحمل المسؤولية
لازم نراعيها
المراهقة امممممم هل هاذي كلمة من اختراعنا
اخترعناها عشان نغطي على اهمالنا والا كيف؟؟؟
اختكم
Umabdalla
