بسم الله الرحمن الرحيم
السلام عليكم ورحمة الله وبركاته
شخباركم اخواني الأعضاء؟ ان شاء الله بخير
المهم اليوم يبت لكم موضوع
نشوفه كل يوم فحياتنا
اقروا هالقصة وتفهمون
كنا سايرين المطعم
ما كان شي غرف للعايلات عسب انه المطعم فل
المهم حصلنا مكان وين؟؟؟
تعرفون في اماكن تكون مكشوفة
واكثر من طاولة الكل يقدر يشوفكم يوم تاكلون وتشربون
وعادي انهم يحسبوا كم لقمة كليت
المهم
كانت في طاولة قاعد عليها شيبه
وطاولة فاضية
والا تدخل وحدة مع زوجها
المهم
الريال متكشخ مع الكندورة والغترة
والحرمة متكشخة وشادة حيلها
ورافعة قباضة الشعر الي يقول برج فوق راسها هع
ومن فوق هذا الشيلة كانت لنص الراس والشعر مبين + النحر طبعا
والعباة مفتوحة ولابسة بنطلون جنز
ولا ننسى طبعا كله ماركات
المهم
قعدوا صوب الريال الشايب
يعني يقدر يشوفهم
والشيبه ما شاء الله شكله واحد محترم ووقور
وهاييل اللي دشوا مستانسين ويضحكون بصوت عالي والتميع ماله حدود
الا شوي الشيبه
يحط ايده عذقنه ومقرب ويهه لناحية البنت ويطالع
وما نزل عينه عنها
والا البنت تنتبه وطنشت فالبداية
بعدين خبرت زوجها لأنها اضايجت من السالفة الريال مب راضي يرفع عينه عنها
وراح زوجها
وطاح بالشيبة ويزاعج وانت ما تستحي قد بنتك واطالع جي
والناس تلحق وتقول بس عيب
والريال محتشر ومشتط
فقال الشيبه
انا ما بقولك قليل الأدب ولا شي
لأنك انت حر يوم ملبس حرمتك جي<<<<< خخخخخخ حرية شخصية
انت ما ملبسنها جي الا عشان الناس تجوف
ها كاني قاعد اجوف ليش زعلان
يا ابني المكشوف من حرمتك نحن من حقنا نجوفه والمستور انت الوحيد من حقك تشوفه
واذا زعلان لأني قربت ويهي بزيادة
فانا نظري ضعيف من جي قربت ويهي عشان اجوف زين
فاحمر ويه الريال والحرمة وطلعوا من هناك بسرعة
المهم ذكرت لكم هالقصة <<<<<< مب حقيقية قصة من تاليفي
لأنه فعلا ها موجود فدولتنا
وفكل مكان
فعلا وانت رايح السوق او طالع مكان تشوف بنات
يكونون ميكب وحالة وعباة مخصرة
ويكون معاهم ريال ياما انه يكون ابوهم او اخوهم او زوج وحدة فيهم
وهالشي ينرفز الواحد
تستغربون من هالشي
ليش ما عندهم غيرة عبناتهم
سؤال:
افرض مثلا انك طالع مع اهلك
هل راح ترضى انهم يطلعون وهم كاشخين كانهم رايحين عرس؟
وانتي هل راح ترضين انج تطلعين مع حد متكشخ بهالطريقة يعني شعر ما شعر؟
وسؤال للبنات شو سالفة الحركة الجديد مال الشيلة اللي هي انهم يطلعون النحر؟؟؟؟
وشو رايكم بالرياييل اللي يطلعون مع اهاليهم عادي فري يعني بناتهم متكشخات بهالطريقة؟؟؟
هيه خلكم بعيدين عن المثاليه ^^
وفكروا معاي
اختكم
اختكم
Umabdalla
ليست هناك تعليقات:
إرسال تعليق